फूलकुमारी ढकाल
बर्दघाट,जेष्ठ–३०
बर्दघाट नगरपालीका वडा न २ को ब्लक न ३ निवासी कमला थापा सुनारलाई नवलपरासी सेवा समाज कतारले ४५ हजार नेपाली रुपैया सहयोग गरेको छ । गत जेष्ठ १६ गते राती आएको
हावाहुरी सहितको पानीले बर्दघाट –२ ,चिसापानी निवासी कमला थापा सुनारको घर हावा हुरीले उडाएर सामाजिक भवनमा बस्दै आएकी सुनारको सहयोगको लागि गाउँले दर्पण अनलाईन मार्फत गरीएको सहयोगको भिडियो अपिल देखेर नवलपरासी सेवा समाज कतारले कमलालाई सहयोग गरेको जनाएको छ ।
गाउँले दर्पण आनलाईनमा भियिडो अपिल देखेपछि नवलपरासी सेवा समाज कतारका अध्यक्ष सजन लौडारीको पहलमा कतारमा कार्यरत नवलपरासीका युवाहरुवाट संकलित रकम आज नवलपरासी सेवा समाज कतारका महासचिव दुर्गा हमाल ठकुरी र कोषाध्यक्ष राज पाठकले पिडित कमला थापा सुनारलाई उक्त रकम हस्तान्त्रण गर्नु भएको हो।
बर्दघाट नगरपालिका वडा नम्वर २ की वडाध्यक्ष दया दर्लामी,सदस्य दधिकला पौडेल ,गाउँले दर्पण अनलाईनका कार्यकारी निर्देशक कृष्ण ढकाल,पत्रकार रामु भुषाल,माधब प्रसाद घिमिरे लगाएतको उपस्थितीमा नवलपरासी सेवा समाज कतारका कार्यसमितिद्धय हमाल र पाठकले कमला थापा सुनारलाई रकम हस्तान्त्रण गर्नु भएको थियो ।