कृष्ण ढकाल
बर्दघाट,माघ–२२
बर्दघाट–१३ पोखरीटोल (धनेवा)मा रहेको श्री अखण्ड आधारभूत विधालयले पहिलो पटक ३६औं वार्षिकोत्षब तथा अभिभावक दिवस कार्यक्रम सोमवार सम्पन्न भएको छ ।
ईतिहासमा नै अहिले सम्म गर्न नसकिएको उक्त विद्यालयको वार्षिकोत्षक तथा अभिभावक दिवस कार्यक्रम यस पटक निक्कै मिहनतका साथ गरीएको उक्त विद्यालयका प्र.अ. दिपक पोखरेलले बताउनु भएको छ ।
विद्यालय ब्यवस्थापन समितिका अध्यक्ष चिरञ्जीवि चापागाईको अध्यक्षता र बर्दघाट नगरप्रमुख शम्भुलाल श्रेष्ठको प्रमुख आतिथ्यतामा पहिलो पटक भएको कार्यक्रममा ३ लाख ५० हजारको अध्यक्षकोष घोषणा गरीएको छ भने सोही अवसरमा ४ लाख ८५ हजारको अटो रिक्सा खरीद गरेर बिधार्थी बोक्न शुरु समेत गरीएको प्र.अ. पोखरेलले बताउनु भएको छ ।
शिक्षक ज्योती सूर्यवंशीको स्वागतबाट शुरु भएको ऐतिहासिक कार्यक्रममा बर्दघाट नगरका बिभिन्न विद्यालयका प्र.अ.हरुको समेत उपस्थिती रहेको थियो भने विद्यालयका प्र.अ. दिपक पोखरेलले विद्यालयको प्रगतिप्रतिवेदन प्रस्तुत गर्नु भएको थियो ।
शिक्षक अर्जुन अर्यालको सञ्चालन रहेको उक्त कार्यक्रममा विद्यालयक ब्यवस्थापन समितिका अध्यक्ष चिरञ्जीबि चापागाईले १ लाख ११ हजार १ सय ११ बराबरको अक्षकोषको रकम जम्मा गर्ने घोषणा गर्नु भएको थियो भने अर्का रामहरि चापागाईले १ लाख ५ सय ५५ ,झविलाल पाण्डेले ५५ हजार गरी क्रमशः टोटल ३ लाख ५० हजार रकम उक्त ३६औं वार्षिकोत्षक तथा अभिभावक दिवस कार्यक्रममा अक्षकोषको लागि बोलकोल गरी घोषण गर्नु भएको प्र.अ. पोखरेलले बताउनु भयो ।
त्यसैगरी विद्यालयका बिद्यार्थीहरुको यातायात सेवाका लागि बर्दघाट नगरले अटो चलान गर्न ३ लाख र बाहिरबाट १ लाख ८५ हजार संकलन गरीएको पोखरेलले बताउनु भएको छ ।