कृष्ण ढकाल
बर्दघाट,पौष–२७
लायन्स क्लव अफ नवलपरासी दाउन्नेको आयोजनामा शनिवार निःशुल्क स्वास्थ्य शिविर सम्पन्न भएको छ । बर्दघाट नगरपालिका वडा नं १३ स्थित यूनिभर्सल क्याम्ब्रिज ईङलिस स्कूलमा भएको निःशुल्क स्वास्थ्य शिविरमा १ सय ७ जना सेवाग्राहीहरुले सेवा लिएको लायन्स क्लव अफ नवलपरासी दाउन्नेका सचिव विष्णुबहादुर वस्नेतले जानकारी दिनु भएको छ ।
डा.विक्रम ज्ञवाली,डा.दिपक पौडेल,डा.सन्जीप पछाई ,डा.प्रसान्त श्रेष्ठ लगाएतका बरिष्ठ डाक्टरहरु एवं फिजिसियनहरुको विशेष टोली सहभागि रहेको उक्त शिवको संयोजन क्लबका सदस्य कृष्ण पराजुलीले गर्नु भएको थियो ।
लायन्स क्लब अफ नवलपरासी दाउन्ने र युनिभर्षल क्यमरीज ईङ्गलिस बोडीङ स्कुलको आयोजना तथा डक्टर्स किल्निक ,बर्दघाट–२,चिसापानीको प्राविधिक सहयोग रहेको उक्त शिविरमा सेवा लिन आएका सबै बिरामीहरुलाई आवश्यकता अनुसार निःशुल्क औषधी समेत वितरण गरीएको थियो ।
शिविर समुद्घाटन कार्यक्रम लायन्स क्लब अफ नवलपरासी दाउन्नेका अध्यक्ष यज्ञ प्रसाद पौडेलको अध्यक्षता र जिल्ला सदस्य तिलकराम खनालको प्रमुख अतिथ्यता तथा सचिव विष्णुबहादुर बस्नेतको सञ्चालनमा सम्पन्न भएको थियो ।