त्रिवेणी स्थित गण्डक ब्यारेजका ३६ ओटै ढोका खोलिए,पारीसुस्ता जलमग्न

कृष्ण ढकाल
बर्दघाट,असोज–१२
लगातार आएको पानीका कारण पुर्वी नवलपरासीको त्रिवेणी स्थित गण्डक ब्यारेजका ३६ ओटै ढोका खोलिएका छन् । आज नारायणी नदीमा ४ लाख २० हजार क्यूसेक पानीको सतह भएपछि खतराको तह पार गरेकाले गण्डक ब्यारेजका सबैढोका खोलिएको नेपाल गण्डक पश्चिम नहर सिचाइँ व्यवस्थापन कार्यालयका प्रमुख इन्जिनियर तीलकराम बुढाथोकीले जानकारी गराउनु भएको छ । नारायणी नदीमाथि निर्माण गरिएको ब्यारेजले पूर्वी नवलपरासीको त्रिवेणी र भारतको बिहार प्रदेशस्थित भैंसालोटन जोडेको छ।

यता पानीको सतह बढ्न थालेपछि नदी तटीय क्षेत्रका स्थानीयलाई उच्च सर्तकता अपनाउन जिल्ला प्रशासन कार्यालयले आग्रह गरेको छ। बाँधको कारण पूर्वी र पश्चिम नवलपरासीका ३० बढी गाउँ जोखिममा पर्छन्। दुई दिनसम्म परेको निरन्तरको पानीले जिल्लामा अहिलेसम्म कुनै क्षति नपुगेको प्रमुख जिल्ला अधिकारी स्किम श्रेष्ठले बताउनु भएको छ । सम्भावित जोखिममा पर्न सक्ने स्थानीयहरूको व्यवस्थापन र उद्धारका लागि सुरक्षाकर्मीहरुलाई तयारी अवस्थामा राखिएको प्र.जि.अ. श्रेष्ठले बताउनु भयो ।

उता
पारीसुस्ताको थारुटोलामा नारायणी नदीको पानी पेसेर जलमग्न भएको सूस्ताका स्थानिय मुन्सीकुमारले जानकारी गराउनु भएको छ ।