कृष्ण ढकाल
बर्दघाट,जेष्ठ–५
अभियानकै क्रममा आज बर्दघाट बजारक्षेत्रमा पर्ने आनन्द नगरको कुलो छेउ–छाउमा रहेको सार्वजनिक जग्गा अतिक्रमण गरी बनाएका घरटहराहरुमा डोजर लगाएर हटाएको छ ।
बर्दघाट नगरले ३ बर्ष अघि देखि पटक–पटक सार्वजनिक स्थानमा भएको अतिक्रमण खाली गर्नका लागि प्रक्रिया शुरु गरेपनि खाली गर्न नसकेको स्थानलाई आज खाली गर्न सफल भएको छ ।
नगरले शुरु गरेको सार्बजनिक जग्गा संरक्षण र खोला तथा घोलाहरुको सफाई गर्ने योजना अनुसार नै अभियान अधि बढेको बर्दघाट नगर प्रमुख शम्भुलाल श्रेष्ठले बताउनु भएको छ ।
त्यसैगरी बर्दघाट बजारको हाईवेको उत्तर साईटमा पर्ने बर्दघाट सरावल सव डिभिजन कार्यालयसंगै जोडिएर बनेका ९ वटा टहराहरु हटाउनका लागि नगरपालिकाले आज नै सुचना टाँस गरेको छ ।
यस अघि बर्दघाट नगरले हिजो वडा नं. ९ र ११ को सिमाना सुनटाँडीमा नक्सा अनुसारको साविकको कुलो खोल्ने काम गरेको छ । पहिले संचालनमा रहेको कुलो अहिले वन्दहुदां बर्षको पानीले निकास नपाएर वस्ती डुवानमा पर्ने समस्याको समाधानका लागि नक्सामा रहेको साविको कुलो खोल्ने काम भएसंगै अव वस्ती र खेतियोग्य जमीनहरु डुवानको समस्यावाट मुक्क्तहुने स्थानियवासीहरुको भनाई रहेको छ ।