कृष्ण ढकाल
बर्दघाट–भर्दाै–४
नवलपरासीको बर्दघाट–९ पञ्चनगरमा रहेको राजा महात्मा पुर्णभद्र माविको प्रशासन कक्षमा आईतवार अभिभावकहरुले ताला लगाएका छन । विद्यालयमा राजनीतिकरण गरेर विद्यालय अस्तब्यस्त भएको भन्दै तत्काल शिक्षक अभिभावक संघ भंगगरी नयाँ समिति गठन गर्नु पर्ने र विद्यालय ब्यवस्थापन समितिका अध्यक्ष र प्र.अले राजिनामा गर्नु पर्ने उनीहरुको भनाई रहेको छ ।
लामो समय देखि आर्थिक विवादको चार्चामा रहेको उक्त विद्यालयमा शैक्षिक, प्रशासनिक र आर्थिक शुसासनको विषयमा आफुहरुले प्रश्न उठाउदै आएको अभिभावक बाबु सुनारले बताउनु भएको छ।
यता बर्दघाट नगरपालिकाले आ.ब. २०७८÷०७९को सामाजिकपरिक्षण गराई सोको प्रतिवेदन र लेखा परिक्षण प्रतिवेदन सहित १५ दिन भित्र पेश गर्न विद्यालयलाई पत्राचार गरेको छ भने सोही पत्रमा नियमअनुसार शिक्षक अभिभावक संघ गठन गर्न पनि श्रावण २१ गतेको पत्रमार्फत निर्देशन गरेको छ ।