कृष्ण ढकाल
बर्दघाट,असोज–१८
बर्दघाट नगरपालिका वडा नं.१५ मा आज विहान बिधुत सट्भै आगलागि हुदाँ एक घर जलेर पूर्ण नष्ट भएको छ । स्थानिय धनबहादुर विकको घरमा बिधुत सर्टहुदां आग्लागि भएको बताईएको छ।
विहान करिब ६ बजेको समयमा भएको आगलागिबाट धनबहादुर विकको करिव १० लाख बराबरको क्षति भएको हुनसक्ने अनुमान स्थानियले गरेका छन् । खरको छानो भएका कारण घरमा एक्कासी आगो सल्किएकोले नियन्त्रणमा लिन नसकिएको स्थानियको भनाई छ । एक्कासी आग्लागी भएका कारण घर भित्रको खाद्यान्न तथा लत्ता कपडा लगाएत सपूर्ण वस्तुहरु पूर्ण रुपमा जलेर नष्ट भएको पिडित विक परिवारले बताएका छन् ।
यता बर्दघाट नगरपालिका का नगर प्रमुख शम्भुलाल श्रेष्ठ र वडा नम्वर १५ का वडा अध्यक्ष रुद्र बहादुर आले आगलागी भएको खवर पाएसंगै घट्ना स्थलमा पुगेर पिडत विक परिवारलाई तत्काल राहत दिने बताउनु भएको थियो ।
बर्दघाट नगरपालिकाले बर्दघाट नगरलाई घरको छानो मुक्त नगर बनाउने अभियान संचालन गरे पनि त्यो अभियानले नछोएको विक परिवारलाई यस पटकको दशैं भने दशाका रुपमा परिणत भएको छ ।
सबैले खुशीका साथ रातो टिका र जमरामा रमाएर दशैं बनाई रहदा बर्दघाट–१५ का धन बहादुर विकको परिवारले भने आफ्नै घरजलेको खरानीको रागमा रमाउनु पर्ने बाध्यता सृजना भएको छ ।