कृष्ण ढकाल
बर्दघाट,फागुन–११
विशालनगर कृषि सहकारी संस्था, बर्दघाट–१० ले आयोजना गरेको ३ दिने उद्घोषण तालीमको आज एक कार्यक्रमका विच समापन गरीएको छ । बर्दघाट नगरपालिका वडा नम्वर १० को आर्थिक सहयोगमा संचालीत महिलाहरुका लागि ३ दिने उद्घोषण तालीम गत सोमवार देखि शुरु भएको थियो ।
बर्दघाट–१० मा रहेको सामुदायिक भवनमा आयोजना गरीएको उक्त तालीममा ४५ जना महिलाहरुले सहभागिता जनाएका थिए भने तालीमको सहजीकरण गाउँले दर्पण अनलाईनका पत्रकार कृष्ण ढकालले गर्नुृ भएको छ ।
विशालनगर कृषि सहकारी संस्थाकी अध्यक्ष मधुमाया पौडेलको अध्यक्षता , सदस्य चन्द्र ढकालको संचालन र कोषाध्यक्ष तारा भूषालको स्वागत मन्तब्यवाट शुरु भएको कार्यक्रममा बर्दघाट नगरपालिका वडा नम्वर १० का कार्यवहाक अध्यक्ष रुद्र बहादुर कार्की, सदस्य बिष्णु सुवेदी,सिता सुनार र वडा सचिव नेत्रनारायण पौडेल लगाएतले आ–आफ्ना भनाईहरु राख्नु भएको थियो ।
सो अवसरमा बोल्ने बक्ताहरुले तालीमको समय निक्कै कम भएपनि तालीम निक्कै प्रभावकारी र उपलब्धीमुलक भएको बताएका थिए । उनीहरुले अब तालीममा सिकेको सिपलाई ब्यवहारत प्रयोगमा ल्याउनका लागि आग्रह गरेका थिए ।
त्यस्तैगरी तालीमको समापन कार्यक्रममा सहभागिहरुको तर्फवाट जमुना आचार्य,साबित्री मिश्रा,मिना न्यौपाने,लक्ष्मी ढकाल,कमला शर्मा चापागाइ लगाएतले बोल्दै तालीमको उपलब्धी र त्यसको प्रभावकारीताका वारेमा आ–आफ्ना भनाईहरु राख्नु भएको थियो ।