बर्दघाट २९ भदौ
अखिल (क्रान्तिकारी) विप्लप समुह नवलपरासीको बिस्तारित बैंठक सम्पन्न भएको छ। बिस्तारित बैठकले सन्देश सापकोटाको संयोजकत्वमा ११ सदस्यीय जिल्ला सम्मेलन आयोजक कमिटी गठन गरेको जनाएको छ ।
बिस्तारित बैठकको संचालन संगठनका संयोजक सन्देशले गर्नु भएको र कार्यक्रमको प्रमुख अथितीमा नेकपा नवलपरासी सचीव धिरज रहनु भएको बताईएको छ । सोक्रममा लुम्बिनी क्षेत्रीय समन्वय समितिका संयोजक एवं २२औं राष्ट्रिय सम्मेलन सदस्य विरेन्द्र बिक,नेकपाका जिल्ला सदस्य एवं बर्दघाट इन्जार्च प्रताप,सरावल इन्चार्ज अनिल,जनपत्रकार संगठनका प्रदिप पाठक लगायत विद्यार्थी नेताकार्यकर्ताहरुको उपस्थिति रहेको बताईएको छ ।
प्रमुख अतिथि एवं नेकपा नवलपरासीका सचीव धिरजले विद्यार्थी हरेक क्षेत्रमा सफल एवं ऐतिहासिक बन्नुपर्ने बताउदै विधार्थीलाई वैज्ञानिक समाजवादको व्यवस्था बारे बताउनु भयो।बैज्ञानिक समाजवादको नेतृत्वदायित्व भुमिका विधार्थीहरुको काधमा भएकोले समाज र बिधालयका भएका विभेदकारी शिक्षा बारे विद्यार्थीलाई बुझाउदै राज्यका शिक्षानिति परिवर्तनको भुमिका खेल्दै बैज्ञानिक शिक्षाका लागि पार्टीको भुमिकाबारे प्रष्ट पार्नु भएको बताईएको छ ।
अहिले विदेश पलायन गराउने शिक्षा निति रहेकोले परिवर्तन गर्दै प्राविधिक एवं व्यवहारीक शिक्षानै बैज्ञानिक समाजवादि व्यवस्थाले ल्याउनु पर्ने भन्दै विद्यार्थी आन्दोलन र पार्टी आन्दोलनमा लामबद्द भइ अगाडि बढ्न पर्ने बेला आएको बताउदै समाजमा हुने सामाजिक विकृतिलाई सर्घष गर्नुपर्ने कुरामा विषेश जोड दिएको अखिल९क्रान्तिकारी० विप्लप समुहका विद्यार्थीनेता सन्देश सापकोटाले बताएका छन् ।