बर्दघाट,चैत-२२
निर्माणाधीन अवस्थामा रहेको बुटवल -नारायणगढ सडकको दुरावस्थाका कारण बर्दघाटकाे चाैपत्ता अस्पतालमा ल्याएका लाखौं मुल्यका डायलासिस मेसिनमा क्षती पुगेको छ ।
जर्मनमा रहेका चिकित्सकहरुको सस्थाले रोटरी क्लब धुलिखेललाई उपलब्ध गराएका मध्ये ६ वटा जर्मनी डायलासिस मेसिन बर्दघाट नगरपालिकाका नगरप्रमुख शम्भुलाल श्रेष्ठ र स्वास्थ्यमन्त्री प्रदिप पौडेकको पहलमा स्वास्थ्य मन्त्रालय मार्फत बर्दघाट नगरपालिकालाई हस्तान्तरण गरी पठाईएको थियो ।
बर्दघाट नगरपालिका सहित नेपालका विभिन्न अस्पताललाई हस्तान्तरण गर्नका लागि ट्रकमा लोड गरी ल्याईएका डायलासिस मेसिनहरु सडकका खाल्डाखुल्डीका कारण फुटेका छन ।बर्दघाट नगरपालिकाको सहिद स्मृति अस्पतालमा ल्याईएका डायलासिस मेसिनहरु खोल्ने क्रममा ४ वटा फुटेको पाईएको हो ।मेसिन फुटेकै कारण ६ वटा भनिएकोमा तत्काललाई ४ वटा मात्रै हस्तान्तरण भएको छ ।बाँकी थप २ वटा मेसिन केही समयमा उपलब्ध गराईने रोटरी क्लब धुलिखेलका पुर्व अध्यक्ष अशोक श्रेष्ठले बताउनु भयो ।
“हामिले उताबाट काठको बक्सामा लोड भै आएका मेसिन हरु निकै सुरक्षीतसाथ नै ल्याएका थियौं तर यो बाटोका कारणले आज लाखौका मेसिन पुनः प्रयोग गर्नै नमिल्ने गरी फुटेका छन”श्रेष्ठले भन्नू भयो ।एउटा दातृ निकायले मृगौला पिडितका लागि दिएको करोडौंका मेसिन बाटोकै कारण पुर्ण क्षती हुनु निकै दुखद कुरा भएको श्रेष्ठले बताउनु भयो । खरिद गर्दा उक्त डायलासिस मेसिनको मूल्य एउटाको करिब १५ लाख रुपैयाँ पर्ने उहाँले बताउनु भयो ।
दाउन्ने क्षेत्रमा बाटो निकै खराब रहेकाले सोही स्थानमा मेसिन फुटेको हुन सक्ने बताईएको छ ।तत्कालका लागि बर्दघाट नगरपालिकालाई उपलब्ध गराईएका ४ वटा डायलासिस मेसिन समेत खोलिएको छैन उक्त मेसिनहरुमा समेत टुटफुट भएको हुन सक्ने भन्दै बायोमेटृक ईन्जिनियर बोलाईएको नगरप्रमुख शम्भुलाल श्रेष्ठले बताउनु भयो ।पुनः प्रयोग गर्न नमिल्ने गरि टुटफुट भएको खण्डमा सट्टा भर्ना हुने सोही अनुरुप कुराकानी भएको नगरप्रमुख श्रेष्ठले जानकारी दिनु भयो ।
दाउन्नेमा केही दिन देखीको जामले अहिले पनि हजारौ यात्रुले सास्ती भोग्दै आएका छन ।