श्याम बुचा
सुस्त ८ चैत
पश्चिम नवलपरासीको सुस्ता गाउँपालिकाले ठेक्का लगाएको नारायणी नदिमा ठेकेदारलाई मस्ति भएको छ भने स्थानीयबसीहरुलाई सास्ती भएको छ ।
जिल्लाको सुस्ता गाउँपालिका वडा न ५ पक्लिहवाका स्थानीयबासीहरुले आफुहरुले काम पाउनु पर्ने आफ्नो ट्याक्टरहरु समेत नदिमा चलाउन पाउने लगायतका मागहरु सहित यतिखेर आन्दोलित भएका छन् ।
स्थानीयबासीका अनुसार ठेकेदारहरुले राजस्व लिदा प्रति ट्याक्टरको रु १ हजार रकम लिनुपर्ने साटोमा रु १ हजार ५ सय रकम लिने गरेको छ भने बिल भने रु १ हजारको मात्र नदिजन्य पदार्थ ढुवानी गर्नेहरुलाई दिइने गरेको आरोप लगाएका छन् । स्थानीयहरुको भनाई अनुसार हामीले ठेकेदारहरुको राजस्व दिन तयार रहेको र स्थानीयहरुको ट्याक्टर टालीबाट ढुवानी गरेर हामि स्थानीयबासीहरुलाई काम पाउने वातावरण हुने माग राखेर सुस्ता गाउँपालिकामा ज्ञापनपत्र समेत बुझाएको स्थानीय शत्रुधन यादवले बताएका छन् ।
स्थानीय यादवको अनुसार प्रत्येक बर्ष नारायणी नदिले हामी स्थानीयबासीलाई डुबान,कटान र पटानले गर्दा बर्षेनि दुख दिइने र विभिन्न समस्याहरु हामी स्थानीयले भोग्दै आइरहने तर नदीबाट लाभ लिन भने बाहिरी ठेकेदारहरुले लिने गरेको हुदा हामीहरुले स्थानीयबासीको ट्याक्टरबाटै नदिजन्य पदार्थ ढुवानी गराउ भनेर ठेकेदारलाई भन्दा स्थानीयबासीहरुसंग ठेकेदारले जोरि खोज्ने र धाक धम्की समेत दिने गरेको बताए ।
नारायणी नदिको नदिजन्य पदार्थको आफुहरुले ठेक्का लिएको भन्दै आफुहरुले ठेक्का लिएको हो आफुहरुले प्रहरी लगाएर होस या मान्छे कुटेर होस नदिजन्य पदार्थ निकासी गर्ने र स्थानीयको ट्याक्टर संग हाम्रो कुनै प्रकारको सरोकार नरहेको भन्दै स्थानीयबासीहरुलाई थर्काउने तथा धम्की दिने गरेको सुस्ता ५ पक्लिहवाका स्थानीयबासीले बताउछन् ।
नारायणीको पिडा खेप्ने स्थानीयलाई ठेकेदारले सहुलियत दिनुको साथै उल्टा धाक धम्की दिएर जिल्ला सम्म तथा प्रहरी प्रशासनलाई सेटिङ्ग गरेर भएपनि आफुहरुले जबरजस्ती नदीबाट नदिजन्य गिटि,बालुवा,ढुङ्गा र मिस्क्ट निकालेर स्थानीयहरुलाई देखाइदिने भनेर धम्की दिएपछि स्थानीयहरु थप आक्रोशित भएर अब नारायणी नदीबाट उत्खनन गर्न पनि रोक समेत लगाउने तयारी गरेका छन् ।
सुस्ता गाउँपालिकाको कार्यालयले यस चालु आर्थिक बर्ष ०८१/०८२ मा नारायणी नदिमा ४ खण्ड गरि करिब ६ करोडको राजस्व संकलन हुने गरि ठेक्का लगाएको छ ।