कृष्ण ढकाल
बर्दघाट,फागुन–८
दिब्यज्योती मा.बि. चिसापानीले आफ्ना अभिभावकहरुका लागी अभिमुखिकरण तथा उत्प्रेरणात्मक तालीम दिन शुरु गरेको छ । आफ्ना नानीबाबुहरुलाई कसरी पढाई र सिकाईमा केन्द्रित गर्ने भन्ने वरेमा जानकारी दिनका लागि उक्त कार्यक्रमको आयोजना गरीएको विद्यालयका प्रद्यानाध्यापक रमेश कुंवरले बताउनु भयो।
बृत्तमार्ग भैरहवा तालिम केन्द्रका सहजकर्ता सुशीला पौडेलले सहजीकरण गर्नु भएको उक्त तालीममा असल अभिभावक कसरी बन्ने ? अभिभावको कर्तव्य तथा दायित्व के ? भन्ने जस्ता विषयमा जानकारी गराईएको थियो । त्यसैगरी अभिभावक असल भएमा मात्र असल बालबालिका बन्ने भएकोले घरमा बालबालिकाका लागि पढाईको अनुकुल वातावरण सिर्जना गर्न विद्यालयले यस प्रकारको कार्यक्रम आयोजना गरेको विद्यालय ब्यवस्थापन समितिका सदस्य बलराम भण्डारीले बताउनु भयो । बिद्यार्थीहरु फेल रहित बिद्यालय बनाउने, जिवन उपयोगी सीप अनिवार्य सिकाउने र अनुसासित वातावरण मैत्रि विद्यालय बनाउने कार्यमा अहोरात्र विद्यालय ब्यवस्थापन समिति खटिरहेको भण्डारीको भनाई रहेको छ ।
अभिभावकहरूलाई लक्षित गरेर कार्यक्रम आयोजना गरेको दिब्य ज्योती मा.बि.,चिसापानीले मन्टेश्वरी देखि अंग्रेजी माध्यामबाट समेत अध्ययन गराउनुका साथै प्राविधिक तह तर्फ कृषि बिषयमा पनि अध्ययन गराई रहेको छ । कक्षा ११ र १२ मा मानविकि,विज्ञान र शिक्षा विषयको अध्ययापन गराउदै आएको दिब्य ज्योतीमा अहिले सुस्ता गाउँपालिकाको बरुवा ,प्रतापपुर गाउँपालिकाको सेमरी र सरावल गाउँपालिकाको गोब्रईया देखि बिद्यार्थीहरु अध्ययनका लागि आउने गरेका छन ।
बर्दघाट नगरभित्र रहेका १५ वटा संस्थागत र ११ वटा सामुदायिक गरी २६ वटा माबिहरु मध्ये दिब्यज्योती माबि नगर कै नमुना विद्यालयका रुपमा परिचित रहेको छ ।