कृष्ण ढकाल
बर्दघाट,फागुन–८
अलपत्र हुलाकी सडकको दुर्दशाले तिनै तहका सदनहरु तातिदा पनि आफ्नै निर्वाचन क्ष्ँेत्रका संघिय सांसद विनोद चौधरी गुम्नाम रहेका छन । हुलाकी सडकको दुर्दशाले नागरिक आजित बने पछि सरकारप्रमुख नै आमरण अन्सन बसेपछि पूर्व मन्त्री देखि प्रदेशका बहालवाल मन्त्री सम्म आउदा समेत गुम्नाम रहेर चुईक्क नबोलेका सांसद चौधरी अहिले कता छन अत्तोपत्तो छैन ।
चुनावमा निक्कै फुर्ति लगाएर विकासको मुल फुटाउने सपना देखाएका चौधरीले पश्चिम नवलपरासीमा अधिकाङ्स हुलाकी सडकहरु अलपत्र अवस्थामा रहदा कुनै अत्तोपत्तो पाएका छैनन्। चुनाव सकेर हिडेका चौधरी कहिले काँही निर्वाचन क्षेत्रमा भुल्कीन्छन तर ठेक्का लागेको लामो समय बित्दा समेत हुलाकी सडकहरु अलपत्र भएर सडकको दुर्दशाले नागरिक आजित बन्दा पनि सांसद चौधरी त्यसवारेमा अहिले सम्म बेखवर छन ।
जिल्लाको सदरमुकाम परासीदेखि नारायण चोकसम्मको साढे १२ किलोमिटर हुलाकी सडक निर्माणको काम तुलानामत्क रूपमा अलि राम्रो भए पनि नारायण चोकदेखि त्रिवेणीसम्म १६ किलोमिटर सडकको अवस्था अहिले निराशाजनक छ । यो खण्ड निर्माणको ठेक्का बज्रगुरु महालक्ष्मी जेभी काठमाडौँले ५८ करोडमा लिएको थियो । तर अहिलेसम्म यसको भौतिक प्रगति ५० ५ पनि पुग्न सकेको छैन ।
प्रतीनिधि सभा सदस्य सरिता भुसालले हुलाकी सडक निर्माणमा भैरहेको चरम ढिलाईका बारेमा सदनमा सरकारको ध्यानाकर्षण समेत गराउनु भयो । यता प्रदेश सभा सदस्य बिश्वप्रेम पाठकले लुम्बिनी प्रदेश सभामा सडक निर्माणका लागि प्रदेश सरकारले पहल गर्नु पर्ने माग राख्नु भयो ।तर विभिन्न निकाय तह र तप्का बाटा आवाज उठेपनि साम्सद बिनोद चौधरी भने यस बिषयमा चुईक्क बोलेका छैनन ।
नारायणचोक देखि बेलाटारी सम्मको सडक निर्माण कार्य सुचारु गर्न प्रतापपुर गाउँपालिकाकाको नेतृत्वमा यहाँका सरोकारवाला र स्थानियले दबाबमु लक कार्यक्रम गरे ।स्थानिय र यहाँका नेतृत्वले समेत दबाबका लागि कुनै कसर बाकी राखेका छैनन ।प्रतापपुर गाउँपालिकाका अध्यक्ष उमेश यादब सहितको नेतृत्व आमरण अनशन नै बसे अनसन स्थमलमै हात्तिको सेतो दात बोकेर आएको ठेकेदार कम्पनीले काम गर्ने बाचा त गर्यो तर यस्ता बाचा उसका लागि नौलो रहेन ।कामले हाल सम्म पनि गति लिन सकेन ।
प्रतापपुर गाउँपालिकाका जनप्रतिनिधि सहित बसेको आमरण अनशन तोडाउन प्रदेशका भौतिक विकास तथा निमार्ण मन्त्री भुमिस्वर ढकाल र प्रतिनिधि सभा सदस्य नेपाली काङ्ग्रेसका महामन्त्री गगन थापा समेत अनशन स्थलमा उपस्थित भएर ।सातै पालिकाकाका प्रमुख ,विभिन्न राजनीतिक दलका नेतृत्व उक्त चरणबद्ध आन्दोलनमा सहभागी भए ।तर यसै क्षेत्रबाट निर्वाचीत साम्सद बिनोद चौधरी भने उपस्थित हुन सकेनन ।आफू उपस्थित हुन नसक्ने कार्यक्रममा प्राय प्रतिनिधि मार्फत सन्देश पठाउने चौधरीले उक्त आन्दोलनमा कुनै पनि प्रकारको सहभागीता देखाएनन ।हुलाकी राजमार्ग आयोजना हुँदै काठमाडौ सम्म पुगेर सडक निर्माणका लागि पहल भए ।
अहिले यो हुलाकी सडकको चर्चा दिनप्रतिदिन भैरहेको छ ।तर पछिल्लो समय यस बिषयमा सांसद चौधरी नबोलेको यहाका नागरिकहरुको आरोप छ ।प्रतापपुर गाउँपालिकाका अध्यक्ष उमेश यादवले समेत साम्सद चौधरी बाट कुनै सहयोग नभएको बताउदै आउनु भएको छ ।आम नागरिकको जनजीवन सग जोडिएको हुलाकी सडकका बिषयमा साम्सद चौधरी नबोल्नुका पछाडी विभिन्न टिकाटिप्पणी हुन थालेका छन ।यद्यपि हुलाकी सडकका बारेमा नबोलेको स्थानियको गुनासो रहदै आएको छ ।