कृष्ण ढकाल
बर्दघाट,फागुन–५
बर्दघाट नगरपालिकाले स्वास्थ्य सेवालाई सर्व सुलभ गराउने उद्धेश्यले शुरु गरेको निःशुल्क ल्याप सेवाको दुरुपयोग गरेका कारण अब न्यूनतम शुल्क निर्धारण गर्नु पर्ने बाध्यता आएको नगर प्रमुख शम्भसलाल श्रेष्ठले बताउनु भएको छ ।
नगरले सञ्चालन गरेका अधिकांस स्वास्थ्य संस्थाका ल्यापहरुमा गएर अनावश्यक सेवा लिने तर परिक्षण गरेर राखिएका रिपोर्टहरु लिन नआउने गरेका कारण अनावश्यक परिक्षणलाई रोक्न न्यूनतम परिक्षण शुल्क निर्धारण गर्नु पर्ने बाध्यता आएको नगर प्रमुख श्रेष्ठको भनाई रहेको छ ।
आधारभुत स्वास्थ्य सेवा केन्द्र बर्दघाट–४ ले आयोजना गरेको सामाजिक लेखा परिक्षण कार्यक्रममा बोल्दै नगरप्रमुख श्रेष्ठले उक्त कुरा बताउनु भएको हो । उहाँले अझैपनि सबै नागरीक समक्ष आधार भुत स्वास्थ्य सेवा केन्द्रले प्रदान गर्ने स्वास्थ्य सेवाका बारेमा जानकारी नपुगेको औल्याउदै अझ सक्रिय भएर लाग्न सबै सरोकारवालाहरुलाई आग्रह गर्नु भएको थियो । विषेशगरी स्थानिय टोल विकास संस्थाका पदाधिकारीहरुले स्थानिय सरकारले गरेका काम र सेवा सुविधाका वारेमा जानकारी गराउने दायित्व पुरा गर्न आग्रह गर्नु भएको थियो ।
त्यसैगरी बर्दघाट नगरपालिकाका प्रमुख प्रशासकिय अधिकृत प्रकाश खनालले बर्दघाट नगरपालिकाले नगरवासीहरुको स्वास्थ्य प्रति गम्भीर भएर काम गरीरहेको बताउनु भएको थियो । नगरका कुनै पनि स्वास्थ्य संस्थाहरुको भौतिक अवस्था,जनशक्क्ती ब्यवस्थापन र सरकारले प्रदान गर्ने औषधीको उपलब्धता गराउने कार्यमा पूर्व तयारीका साथ आफ्नो संयन्त्र निरन्तर लागी रहेको र कुनै कमीहुन नदिने प्रतिवद्धता जाहेर गर्नु भएको थियो ।
आधारभुत स्वास्थ्य सेवा केन्द्र वडा नं. चारको सञ्चालन तथा ब्यवस्थापन समितिका अध्यक्ष तथा वडा नं. ४ का वडाध्यक्ष वेदविना तिवारीको अध्यक्षता नगर प्रमुख श्रेष्ठको प्रमुख आतिथ्यता एवं आधारभुत स्वास्थ्य सेवा केन्द्र वडा नं. चारको सञ्चालन तथा ब्यवस्थापन समितिका उपाध्यक्ष एवं कार्यपालिका सदस्य मञ्जु चालिसेको स्वागत मन्तब्यवाट शुरु भएको कार्यक्रममा बर्दघाट नगर उप–प्रमुख रुद्रप्रकाश उपाध्याय,बर्दघाट नगर स्वास्थ्य शाखा प्रमुख माधब ज्ञवाली, लगाएतको उपस्थिती रहेको सामाजिक लेखा परिक्षण कार्यक्रमको सञ्चालन सामाजिक लेखा परिक्षक कुस्माकर ढकाल(कृष्ण)ले गर्नु भएको थियो । कार्यक्रममा सेवा केन्द्रले गरेका काम र सेवाका वारेमा केन्द्र प्रमुख जनस्वास्थ्य निरिक्षक सुदिपा शर्माले जानकारी दिनु भएको थियो ।
वडा नं. ४ का जनप्रतिनिधि,टोल विकास समितिहरुका पदाधिकारीहरु, क्लिनिक,फार्मेसी तथा ल्याप सञ्चालनहरु ,आमा समुह लगाएत सेवा केन्द्रको सेवाक्ष्ँेत्र भित्रका बिभिन्न सामाजिक संघ–संस्थाका ब्यक्तिहरुको सहभागितामा भएको सामाजिक लेखा परिक्षण कार्यक्रममा सहभागिहरुले स्वास्थ्य संस्थाले गरेको कार्यसम्पादन समग्रमा राम्रो रहेको बताएका थिए । उनीहरुले अझैपनि टोल टोलमा गएर स्वास्थ्य सम्वन्धि जनचेतना जागृत गर्ने कार्यलाई थप प्रभावकारी बनाउनु पर्नेमा जोड दिएका थिए । त्यसैगरी बेला बेलामा स्वास्थ्य संस्थाहरुमा सेवालिन जाने सेवाग्रहीहरुलाई संस्थाको उद्धेश्य अनुसारको सेवाबाट सन्टुष्टि हुनेगरी काम गर्नका लागि समेत सुझाब दिएका थिए ।