बर्दघाट ,माघ १७
बर्दघाट १० मा रहेको ग्लोबल एकेडेमीले १६ औँ बार्षिकोत्सवको अवसर पारेर एक दिने निःशुल्क स्वास्थ्य शिविर संचालन गर्ने भएको छ । एकेडेमीले सामाजीक उत्तरदायित्व अन्तरगत माघ १९ गते शिविरको आयोजना गरेको स्वास्थ्य शिविर संयोजक ईन्द्र ढकालले बताउनुभयो । स्वास्थ्य शिविर संगै बार्षिकोत्सवको अवसरमा संचालन हुने विभिन्न कार्यक्रमहरुको बारेमा जानकारी दिन एकेडेमीले विहिबार पत्रकार सम्मेलनको आयोजना गरेको थियो ।
युनिभर्सल कलेज अफ मेडिकल साईन्सको प्राविधिक सहयोगमा नाक, कान, घाँटी सम्बन्धी रोग, आँखा, दाँत सम्बन्धी रोग र महिलामा देखिने रोगहरुको परिक्षण शिविर संचालन गरिने संयोजक ढकालको भनाई छ । शिविरमा स्वास्थ्य परिक्षण गर्नका लागि विशेषज्ञ डक्टरहरुको टिम आउने र निशुल्क औषधीको पनि ब्यबस्था गरिएको छ । विद्यालय परिसरमै शिविर संचालन हुने भएकोले स्वास्थ्य परिक्षण गराउन चाहनेहरुले निर्धक्क भएर आउन ढकालले आग्रह गर्नुभयो ।
प्रयोगशालामा परिक्षण गर्नुपर्ने भए नमुना संकलन गरी मेडिकल कलेजमा लगेर परिक्षण गरी निशुल्क रुपमै रिपोर्ट उपलब्ध गराउने र शिविरमा स्वास्थ्य परिक्षण पश्चात थप उपचार गर्नुपर्ने विरामीका लागि निशुल्क याताको ब्यबस्था गरी उपचारमा लाग्ने शुल्कमा २० प्रतिशत छुटको ब्यबस्था गरिएको बताईएको छ । ग्लोबल एकेडेमीका अध्यक्ष हरि अधिकारीले निजी संस्थाहरु खाली नाफामुखी हुन्छन् सामाजीक दायित्वमा चासो दिादैनन् भन्ने बुझाईलाई चिर्दै झण्डै ७ देखी १० लाख खर्च विद्यालयले गर्ने गरी शिविर आयोजना गरिएको बताउनुभयो ।
विद्यालयका प्रिन्सिपल मणी शर्माले बार्षिकोत्सवको अवसर पारेर स्वास्थ्य शिविर संगै २० गते बाट खेलकुद सप्ताह, शिक्षक सम्मान, विद्यार्थी सम्मान, समुदायमा रहेका ब्यक्तिहरुलाई सम्मान गर्ने कार्यक्रम रहेको जानकारी दिँदै शर्माले २४ गते हुने बार्षिकोत्सव समारोहमा विद्यार्थीहरुको हस्तकला प्रदर्शनी विविध सांस्कृतिक कार्यमहरु समेत प्रस्तुत हुने बताउनुभयो । बार्षिकोत्सवको अवसरमा अग्रिम भर्ना हुने विद्यार्थीहरुका लागि विद्यालयले चैत्र सम्मको शुल्क र यातायात निःशुल्क गरिने बताईएको छ ।