बर्दघाट,मंसीर–९
नवलपरासी प्रहरीले एक जना महिला सहित तीन जना फरार प्रतिवादीलाई पक्राउ गरेको छ । मंसिर ६ र ७ गते जिल्लाका बिभिन्न स्थानबाट तीनै जनालाई पक्राउ गरेको हो ।
पक्राउ पर्नेहरुमा रामग्राम नगरपालिका वडा नं. १७ निवासी रीता कुर्मी, बर्दघाट नगरपालिका वडा नं. १२ भटौलिया निवासी अजय भन्ने किसन हरिजन र रामग्राम नगरपालिका वडा नं. ९ का दशरथ कहार रहेका छन् । उनीहरुलाई क्रमशः मानव बेचविखन तथा ओसार पसार, चोरी र झुठ्ठा बकपत्र मुद्धामा सजाय भुक्तान गर्न वाँकी रहेको प्रहरीले जनाएको छ ।
कुर्मीलाई १५ बर्ष कैद सजाय, हरिजनलाई १९ दिन कैद र २० हजार रुपैया जरिवाना र दशरथलाई २ सय ५० रुपैया जरिवाना गरिएको जिल्ला प्रहरी कार्यालय नवलपरासीका निमित्त सूचना अधिकारी एवं प्रहरी निरीक्षक नारायण थापाले जानकारी दिनु भयो ।