आयुर्वेद उपचार तर्फ आर्कषण बढ्दै

डोल्मा चौधरी

परासी,साउन–१९

पश्चिम नवलपरासीमा आयुर्वेद उपचार तर्फ आर्कषण बढ्दै गएको छ । आयुर्वेद स्वास्थ्य सेवा केन्द्र परासीबाट एक वर्षमा ११ हजार बढिले सेवा लिएका छ ।

लुम्बिनी प्रदेश सरकारले पश्चिम नवलपरासीको सदरमुकाम परासीमा स्थापना गरेको नवलपरासी आयुर्वेद स्वास्थ्य केन्द्रमा उपचार गर्न सेवाग्राहीको दैनिक भिड लाग्ने गरेको छ । केन्द्र बाट गत आर्थिक वर्ष २०८०।८१ को एक वर्षको अवधिमा ११ हजार भन्दा बढि सेवाग्राहीले आयुर्वेद सेवा लिएका छन् । २ वर्ष देखि निःशुल्क रुपमा सेवा प्रदान गर्दै आएको आयूर्वेद केन्द्रमा दिनहु सेवाग्राहीको बाक्लो उपस्थिती रहने गरेको छ ।

दैनिक २५ देखि ३० जना सेवाग्राही आयुर्वेद  सेवा लिन आउने गरेको केन्द्रका सुचना अधिकारी एव वरिष्ठ कविराज निरीक्षक नरहरी अर्यालले जानकारी दिनुभयो । आर्थिक वर्ष २०८०।८१ मा ११ हजार १ सय ९५ जनाले केन्द्र बाट सेवा लिएका छन् । जसमा ५ हजार ५७३ महिला र ५ हजार ६२२ जना पुरुष रहेका छन् ।

सेवा लिनेमा २ देखि ४ वर्षसम्मका बालबालिकाको संख्या ७३ रहेको छ । ५ देखि १६ वर्षका ८१, यस्तै १७ देखि ५९ वर्षसम्ममा सबै भन्दा धेरै ३ हजार ६ सय ६१ जनाले  सेवा लिएका छन र ६० वर्ष भन्दा माथिका १ हजार ४ सय ७९ जना सेवाग्राहिले सेवा लिएका कार्यालयले जनाएको छ । गत अघिल्लो वर्षमा भने ९ हजार ३ सय ९३ जनाले सेवा लीएका थिए ।

संस्थाले निशु्ल्क स्वास्थ्य परिक्षण संगै परार्मश र औषधि उपलब्ध गराउने गरेको छ । स्वास्थ्य केन्द्रबाट नेपल सरकारले तोकेको २३ थरीका आर्युर्वेदिक औषधि निशुल्क रुपमा उपलब्ध हुने गर्दछ । तर प्रर्याप्त तथा पुरा औषधि भने नपाएको सेवाग्राहीको गुनासो छ । सेवाग्राही धेरै आउने भएकोले औषधी अभाव बढिरहेको संस्थाले जनाएको छ ।

नवलपरासीका विभिन्न स्थान र सिमावर्ती भारतिय बजार बाट समेत सेवा लिन आउने गरेको केन्द्रकी प्रमुख डा। अचना शुक्काले जानकारी दिनु भयो  । जिल्लामा पाल्हीनन्दनमा २, सरावलमा र प्रतापपुरमा  एक एक वटा आर्युर्वेद औषधालय रहेका छन् ।