कृष्ण ढकाल
बर्दघाट,बैशाख १०
मेलमिलापकर्ताको भुमिका जनप्रतिनिधिले बुझन जरुरी रहेको पश्चिम नवलपरासीको बर्दघाट नगरका मेलमिलापकर्ताहरुले बताएका छ्न । बर्दघाट नगरपालिकाको नयायीक समितिले सोमबार आयोजना गरेको मेलमिलापकर्ताहरुको चौमासिक समिक्षा बैठकमा बोल्दै मेलमिलापकर्ताहरुले मेलमिलापकर्ताको भुमिका जनप्रतिनिधिहरुले नबुझेर सबै आफैले गर्न खोजेको आरोप लगाएका छन ।
बर्दघाट ९ का मेलमिलापकर्ता सयोजक राजु बिश्वाले वडामा मेलमिलापकर्ता नै नचाइएको बताउनु भयो । “अधिकाश उजुरीहरु वडामा आउछन वडामा आएका उजुरीहरु वडा जनप्रतिनिधिहरुले आफू अनुकुल निर्णय गरेर मिलाउने गरेका छन । यस्तो अवस्थामा कहाँ र किन मेलमिलाप कर्ता चाहियो र ?” प्रश्न गर्दै बिश्वाले भन्नुभयो । “नगरले बनाएको मेलमिलापकर्तालाई वडा ले नै चिन्दैन र वडाले भुमिका नै दिदैन यस्तो खालको मेलमिलाप कर्ता नगरमा नै नचाहिएको हो जस्तो छ ।” बिश्वाले भन्नुभयो ।
बर्दघाट ३ का मेलमिलापकर्ता राम प्रसाद न्यौपानेले उजुरी वडामा नै दर्ता हुने अवस्था मिलाउनु पर्ने बताउनु भयो । ” अहिलेको समिक्षा चौथो रे ! पहिलो, दोस्रो र तेस्रो मासिक कता गयो । कहिले कसैले पनि खबर गरेन किन ?” न्यौपानेले प्रश्न गर्नु भयो ।
बर्दघाट ४ का सिद्दीबिलास हमालले बिगत भन्दा अहिले प्रक्रिया राम्रो भएको बताउनु भयो । हमाल भन्नुहुन्छ -” बिगत भन्दा अहिले राम्रो छ तर वडा र अहिलेका वडा अध्यक्ष र वडा सदस्यले नै कुनै पनि समन्वय गरेको छैन । नगर समन्वय समिति सयोजक र प्रमुख प्रशासकिय अधिकृतले नै समय नदिने अनि समिक्षा बोलाउने ।”
वडा स्तरीय मेलमिलापकर्ताहरुको सयोजकले अरु मेलमिलापकर्ताहरुलाई फोन गर्नु पर्ने र समय समयमा बैठक सञ्चालन गर्नु पर्ने जसका लागी नगरले कुनै वस्ता नगरेको हमालले उल्लेख गर्नु भयो ।
बर्दघाट ८ का मेलमिलापकर्ता झमन बहादुर आलेले नगरलेको समन्त्रले नै मेलमिलापको बिषय नै नबुझेको बताउनु भयो । ” गत बर्ष नगरले ७ दिनको तालिम दियो तर जुन पुर्ण भएन अरु थप २१ दिनको तालिम चाहिने मा अहिले सम्म तालिम नै दिन सकेको छैन ।” आलेले भन्नुभयो । नगरलाइ दक्ष र तालिम प्राप्त मेलमिलाप चाहिएको भए तालिम पूरा गराउनु पर्यो नचाहिएको हो भने किन ७ दिनको तालिम दिएर खर्च गरेको ?” आलेले भन्नुभयो ।
जनप्रतिनिधिले सत्ता र शक्तिका आधारमा निवेदन लिने र बोलाउने गरेको बर्दघाट १० कि मेलमिलापकर्ता सुशीला पौडेलले बताउनु भयो । ” जनप्रतिनिधिले मेलमिलापकर्ताले गर्ने काम बुझेका छैनन् । यस बिषयमा जनप्रतिनिधिहरुलाई नै तालिम दिनु पर्ने आवश्यकता रहेको छ ।” पौडेलले भन्नुभयो ।
मेलमिलापकर्ताहरुको तर्फबाट बोल्दै बर्दघाट ११ का कृष्ण राम उपाध्याय, वडा नम्बर ७ का प्रकाश श्रेष्ठ, १४ कि उमा अधिकारी, १ का राजेस बिश्वकर्मा चित्रकला न्यौपानेलगायतले बोल्दै नगरका कार्यपालिका सदस्य, वडा अध्यक्ष र वडा सदस्यले मेलमिलापकर्ताको भुमिका नबुझेको बताउनु भयो ।
बर्दघाट नगर उपप्रमुख एब न्यायीक समिति सयोजक रुद्र प्रकाश उपाध्यायले जनप्रतिनिधिले मेलमिलापकर्ताको भुमिका नबुझेको बताउनु भयो । ” अहिले पनि कतिपय वडा अध्यक्ष र जनप्रतिनिधिले कति बिषयमा हामी मिलायौ भनेर पठाउनु हुन्छ जुन नगरमा दर्ता पनि हुदैन । अहिले हामीले वडा अध्यक्ष र वडा सदस्यलाई बुझाउन सकिएको छैन ।” उपाध्यायले बताउनु भयो ।
मेलमिलापकर्ता र न्याय सम्पादकको सिलसिलामा जनप्रतिनिधिहरुले कम प्राथमिकता दिएको न्यायीक समिति सयोजक उपाध्यायको भनाइ छ ।
जनप्रतिनिधि र मेलमिलापकर्ताहरु समन्वयको अभाव देखीएको न्यायीक समिति शाखा प्रमुखले जमुना सुबेदीले बताउनु भयो । “