कृष्ण ढकाल
बर्दघाट,माघ–२२
सामुदायिक वन उपभोक्ता समूहहरुले नियम कानुनसंगत रुपले आफना उपभोक्ताहरुको मन जितेर पार्दशीहुदै वन संरक्षण र सम्वद्र्धनमा लाग्न जिल्ला समन्वय समिति नवलपरासीका अध्यक्ष भगौतीप्रसाद यादव (रुदल)ले आग्रह गर्नु भएको छ ।
जनउदय सामुदायिक वन उपभोक्ता समूह ,सुनवल–३ किर्तिपुर–१ ले आज आयोजना गरेको वन सम्वद्र्धन प्रणालीमा आधारीत वन ब्यवस्थापन पुनरुत्पादन कटानको समुदघाट्न कार्यक्रमलाई सम्बोधन गर्दै उक्तकुरा बताउनु भएको हो ।
उहाँले वनक्ष्ँेत्रमा पर्ने बिजुलीको हाईटेन्सनको तार मुनी साना प्रजातीका रुखहरु लगाउने र अदुवा , बेसार लगाएतका आर्य आर्जनहुने खालको खेती गर्नका लागि वन समुहलाई सुझाव दिनु भएको थियो ।
त्यसैगरी सुनवल नगरपालिकाका नगर प्रमुख बिमला अर्यालले वनक्षेत्रमा औषधी जन्य रुखहरु समेत रोप्नका लागि अनुरोध गर्दै वन संरक्षण र सम्वद्र्धन प्रणालीमा रुखहरुको कटान गर्दा ब्यवस्थीत रुपमा रुख कटान गर्न आग्रह गर्नु भएको थियो ।
वन संरक्षण र सम्वद्र्धन प्रणाली भनेको दिगो वन ब्यवस्थापनको एउटा नमुना काम रहेको डिभिजन वन कार्यालय नवलपरासीका प्रमुख महेन्द्रराज वाग्लेले बताउनु भएको छ । १४ वटा सामुदायिक वन रहेको नवलपरासी जिल्लामा गत बर्ष ८ वटा वनहरुले वन संरक्षण र सम्वद्र्धन प्रणालीको काम गर्न स्विकृत लिएको र यसवर्ष त्यो संख्या बढेर १२ पुगेको वाग्लेले बताउनु भयो ।
जनउदय सामुदायिक वन उपभोक्ता समूह ,सुनवल–३ किर्तिपुर–१ का अध्यक्ष बलबहादुर थापाको अध्यक्षता र जिल्ला समन्वय समिति नवलपरासीका अध्यक्ष भगौतीप्रसाद यादव (रुदल)को प्रमुख आतिथ्यतामा भएको कार्यक्रममा बोल्दै वन समूहका अध्यक्ष थापाले आफुहरुले विगत ५ बर्ष देखि दिगो वन ब्यवस्थापनको काम गर्दै आएको बताउनु भएको थियो । उहाँले पहिलो बर्ष १ सय रुख कटान वाट शुरुगरी अहिले सम्म ४ सय ९९ रुख कटान गरेको बताउनु भयो । अहिले १५ दिनमा ८२ रुख काट्ने तयारी गरीएको अध्यक्ष थापाले जानकारी गराउनु भयो । वनका उपाध्यक्ष राम संजिवन गुप्ताको स्वागत रहेको
आफ्ना उपभोक्ताहरुलाई रोजगारीसंग जोडेर वन संरक्षण र सम्वद्र्धनका लागि झाडी फाँडने कार्यमा एक घर एक ब्यक्ति रोजगारीको अभियान सञ्चालन गरेको बताउनु भएको थियो । यसरी रोजगारी दिदै गर्दा यसवर्ष १ सय ६० जनाले वनको झाडीसाफ गर्ने कार्यमा रोजगार पाएको, ४ जनाले मासिक तलव पाउने गरी र रुख कटान तीर पनि छुट्टै रोजगारी दिन आफ्नो संस्था सफल भएको बताउनु भएको थियो ।
संस्थाकी सचिव माया पुनको संचालन रहेको वन सम्वद्र्धन प्रणालीमा आधारीत वन ब्यवस्थापन पुनरुत्पादन कटानको समुदघाट्न कार्यक्रममा सुनवल नगरपालीकाका प्रमुख प्रशासकीय अधिकृत चेतनाथ गीरी,वडा न ३ का वडा अध्यक्ष पविन गुरुङ, वडा न ६ का वडा अध्यक्ष हिमलाल शर्मा , सामुदायिक वन उपभोक्ता महासंघ नेपाल नगर महासंघ अध्यक्ष कर्णवहादुर सेन लगाएतको उपस्थिती रहेको थियो ।