कृष्ण ढकाल
बर्दघाट,माघ–२०
पश्चिम नवलपरासीको बर्दघाट नगर स्तरीय अन्तर विद्यालय चौथो राष्ट्रपति रनिङ्ग शिल प्रतियोगिता आज सम्पन्न् भएको छ । माघ १७ गतेदेखि सञ्चालीत प्रतियोगितामा १३ स्वर्ण ,५ रजत र ३ कांस गरी २१ पदक लिएर न्यू लाईफ माबि प्रथम हुन सफल भएको छ ।
त्यसैगरी ८ स्वर्ण ,४ रजत र ७ कांस गरी १९ पदक लिएर गंगा माबि गंगावस्तीले दोस्रो स्थान प्राप्त गर्न सफल भएको छ भने ५ स्वर्ण ,८ रजत र ४ कांस गरी १७ पदक लिएर दिब्य ज्योती माबि,चिसापानीले तृतीय हाँसिल गरेको छ ।
बर्दघाट नगरका संस्थागत र सामुदायिक गरी २४ विद्यालयहरुको सहभागिता रहेको उक्त प्रतियोगितामा १ हजार १ सय बढी बिद्यार्थीहरु सहभागि भएको प्रतियोगिताका मेन रेफ्रि ईन्द्र देवलाल श्रीवास्तबले बताउनु भएको छ ।
बर्दघाट नगरपालिकाको आयोजना र न्यू लाईफ माबिको सञ्चालनमा भएको चौथो राष्ट्रपति रनिङ्ग शिल प्रतियोगितामा छात्र र छात्राहरुको भलिबल,कबड्डी ,दौड,तेक्वान्दो,उसु,हाईजम्प,लङजम्प लगाएतका खेलहरु सञ्चालन गरीएको थियो ।
बर्दघाट नगरपालिकामा २१ वटा संस्थागत र ३७ वटा सामुदायिक विद्यालयहरु गरी ५८ वटा विद्यालय रहेका छन ।