कृष्ण ढकाल
बर्दघाट,माघ–२
हाम्रो सुपर बचत तथा ऋण सहकारी संस्थाले आफ्नो १२ औं वार्षिकोत्सवको अवसरमा चिसापानी अस्पताललाई सिमेन्टका बेन्च हस्तान्तरण गरेको छ ।
संस्थाका अध्यक्ष खेमराज सुवेदीको अध्यक्षता र बर्दघाट नगरपालिका नगर प्रमुख तथा अस्पताल ब्यवस्थापन समितिका अध्यक्ष शम्भुलाल श्रेष्ठको प्रमुख आतिथ्यतामा एक कार्यक्रमको आयोजना गरी सोमवार उक्त बेन्च हस्तान्तरण गरीएको थियो ।
सो अवसरमा बोल्दै नगर प्रमुख श्रेष्ठले सहकारीहरु पैसा संकलन गरेर नाफामुलक काममात्र नगरी सामाजिक कार्यमा पनि अग्रसर रहन्छन भन्ने कुराको सन्देसदिन हाम्रो सुपर बचत तथा ऋण सहकारी संस्था सफल भएको धारणा राख्नु भएको थियो ।
बेन्च हस्तान्तरण कार्यक्रममा वडाध्यक्ष भिमकाजी गुरुङ्ग, गणेश क्षेत्री लगाएत संस्थाका सल्लाहकार तथा कार्यसमिति,लेखा समिति र कर्मचारीहरुको सहभागिता रहेको थियो ।