बर्दघाट,पौष–२८
बर्दघाट प्रज्ञा प्रतिष्ठानका कुलपति समेत रहनुभएका बरिष्ठ साहित्यकार डा.घनश्याम न्यौपाने परिश्रमीलाई एक कार्यक्रममा सम्मान गरिएको छ ।
संकल्प बहुउद्धेश्शीय सहकारी संस्था लि.बर्दघाट ४ को आयोजना न्यु भिजन मिडिया प्रालिको समन्वयमा विहीवार आयोजित कार्यक्रममा परिश्रमीलाई दोसल्ला ओडाएर सम्मान गरिएको हो । सहकारीले आफ्ना शेयर सदस्यहरुका लागि आयोजना गरेको तीन दिवसीय नेतृत्व विकास सम्बन्धि तालिम उद्घाटनमा प्रमुख अतिथि समेत रहनुभएका न्यौपानेलाई संस्थाका अध्यक्ष छविलाल खरेलले दोसल्ला ओडाएर सम्मान गर्नुभएको थियो ।
कार्यक्रममा बोल्दै परिश्रमीले आफूलाई सम्मान गरेर संस्थाले ऋणी बनाएको बताउनुभएको थियो । न्यु भिजन मिडिया प्रालिका प्रमुख सल्लाहकार समेत रहेका डा. न्यौपानेले तालिमले जिवन ब्यवहारलाई परिर्वतन गर्नुपर्ने औल्याउनुभयो । कार्यक्रममा संस्थाका सल्लाहकार गणेश कुमार पाठकले तालिमबाट सिकेका कुरा जिवनमा उतार्दै संस्थालाई थप बलियो बनाउनुपर्नेमा जोड दिनुभयो । संस्थाका अध्यक्ष छविलाल खरेलले संस्थाको कोषमा भएको रकम सदुपयोग गर्दै कार्यक्रम गरिएको बताउदै आगामी दिनमा समेत यस्ता कार्यक्रमलाई जारी राख्दै शेयर सदस्यको हितमा लागि पर्ने बताउनुभयो ।
कार्यक्रममा उपाध्यक्ष मुक्तमाया महतोले स्वागत गर्नुभएको थियो । संस्थाका ३० जना शेयर सदस्यहरु सम्मिलित रहेको कार्यक्रममा विहीवार कुश्माकर ढकाल (कृष्ण)ले सहजीकरण गर्नुभएको थियो । तालिम ३० गते समापन हुने आयोजक संस्थाले जनाएको छ ।