कृष्ण ढकाल
बर्दघाट,साउन–६
नेपाली काँन्ग्रेस बर्दघाट नगर कमिटिले आज वृक्षारोपण तथा फलफुल वितरण गरेर प्रथम जननिर्वाचित प्रधानमन्त्री विश्वेश्वरप्रसाद कोइरालाको ४० औं स्मृति दिवस मनाएको छ ।
बर्दघाट नगर सभापति दामोदर जि.सीको अध्यक्षता र बर्दघाट नगर प्रमुख शम्भुलाल श्रेष्ठको प्रमुख आतिथ्यतामा स्मृृति दिवस मनाएको हो । बर्दघाट वडा नम्वर १४ चौपत्तामा रहेको शहिद स्मृत सामुदायिक अस्पतालमा भएको उक्त स्मृति कार्यक्रममा जिल्ला संगठन विभाग प्रमुख दिपप्रकास लोहनि लगाएतका वक्ताहरुले विपिको स्मरण गर्नु भएको थियो ।
स्मृति कार्यक्रम पश्चात अस्पताल परिसरमा वृक्षारोपण गर्नुका साथै विरामीहरुलाई फलफुल वितरण समेत गीएको थियो ।
नेपालमा प्रजातन्त्रको स्थापनाका लागि कठोर संघर्ष गरेका कोइरालाको विसं २०३९ साउन ६ गते निधन भएको थियो । कोइरालाको जन्म विक्रम संबत १९७१ साल भदौ २४ गते भएको हो । वि.सं. २०१५ को संसदीय निर्वाचनपछि २०१६ जेठमा उहाँ पहिलो निर्वाचित प्रधानमन्त्री बन्नुभएको थियो ।