कृष्ण ढकाल
बर्दघाट ,माघ–६
नेपाल बिजुली,पेन्टर पलम्बर तथा निमार्ण मजदुर यूनियन (क्यूपेक)नवलपरासीको दोस्रो जिल्ला अधिवेशनवाट पुनः राम कुमार थापा अध्यक्षमा निर्वाचीत हुनुभएको छ । बुधवार भुमहिमा भएको जिल्ला अधिवेशनमा गिरीराज भण्डारी,राम कुमार थापा र भवानी प्रसाद चौधरीले अध्यक्ष पदका लागि दावी गरीरहदा अन्तत मतदान प्रक्रियावाट राम कुमार थापा पुनः अध्यक्षमा निर्वाचीत हुनुभएको हो ।
राम कुमार थापाले भवानी प्रसाद चौधरीलाई ३ मतको अन्तरले पछि पार्दै अध्यक्ष्ँमा निर्वाचीत हुन सफल हुनुभएको थियो । १७ सदस्य जिल्ला कार्यसमिति रहेको उक्त नेपाल बिजुली,पेन्टर पलम्बर तथा निमार्ण मजदुर यूनियन नवलपरासीमा अध्यक्ष पदवाहेक अन्य सबैपदमा सहमतिमा नेतृत्व चयन गरीएको जिल्ला अध्यक्ष थापाले बताउनु भएको छ ।
त्यसैगरी समितिको उपाध्यक्ष पद खाली रहेको छ भने सचिवमा भवानी प्रसाद चौधरी,सह–सचिवमा दिलिप कुमार थारु र कोषाध्यक्षमा सत्यनारायण थारु चयन हुनुभएको छ । त्यस्तै सदस्यहरुमा हेमनारायण चौधरी,,ख्रिनारायण थारु,खड्ग बहादुर चौधरी,राम बहादुर वि.क,बिरेन्द्र कुमार थारु,परशुराम कुवंरयोगी,किसान थापा मगर,संगितादेवि चौधरी लगाएत रहनु भएको अध्यक्ष थापाले जानकारी दिनु भएको छ ।