पप्पु रेग्मी
बर्दघाट, १७ असार
पश्चिम नवलपरासीको जहदा सामुदायिक पुस्तकालय तथा श्रोत केन्द्र बर्दघाट १२ भटौलियाले खाद्यान्य समाग्री वितरण गरेको छ ।
कोभिड १९ को महामारीबाट विश्व नै आक्रान्त भइरहेको अवस्थामा नगरपालिकाको विपत ब्यवस्थापन कोषमा नगद सहयोग गर्नुका साथै बर्दघाट १२ र १३ का अति विपन्न परिवारलाई खाद्यान्य समाग्री वितरण गरेको मरली खनालले बताए ।
श्रोत केन्द्रद्धारा सञ्चालित ट्याग परियोजना अन्र्तगत रिड नेपालको सहयोगमा बर्दघाट नगरपालिकाद्धारा सञ्चालित स्थानीय तह आकस्मिक कोषमा १५ हजार सहयोग गरेको छ भने परियोजनाकै सहयोगमा बर्दघाट १२ र १३ का अति विपन्न १० घरपरिवारलाई प्रतिघर परिवारलाई २५ किलो चामल, ५ किलो पिठो, दुई प्याकेट नुन, एक प्याकेट सोयाबिन दुई लिटर तेल, दुई किलो दाल, र एक पिस नुहाउने साबुन गरि प्रति परिवार दुई हजार ५ सय बराबरको खाद्यान्न सामाग्री वितरण गरेको हो ।
कार्यक्रम जहदा सामुदायिक पुस्तकालय तथा श्रोत केन्द्रका अध्यक्ष सुरज के.सी.को अध्यक्षता तथा वडा नम्बर १२ का वडाध्यक्ष मान बहादुर मल्लको प्रमुख आतिथ्यता र वडा न्म्बर १३ का वडाध्यक्ष नर बहादुरु चौधरीको विशेष आतिथ्यतामा भएको परियोजनाकी सहजकर्ता लक्ष्मी धिताङले बताईन ।
