कृष्ण ढकाल
बर्दघाट,जेष्ठ–२४
नवलपरासी जिल्लामा भोली अर्थात जेष्ठ २५ गते देखि २८ गते सम्म कोभिड–१९ विरुद्धको भेरोसेल खोप लगाईने भएको छ । ६२ वर्ष देखि ६४ वर्ष उमेर समुहका ब्यक्तिहरुलाई खोप लगाउनका लागि जिल्ला स्वास्थ्य कार्यालयले आवाहन गरेको छ ।
स्थानियतहहरुले खोप लगाउनका लागि तोकिएको स्थानमा गएर खोप लगाउनका लागि सुचना नै जारी गरीसकेका छन् । यता बर्दघाट नगरपालिकाले बर्दघाट–२ चिसापानीमा रहेको चिसापानी अस्पतालमा वडा नं। २,३,४,८,९,१०,११,१२ र १३ वडाका ब्यीत्तहरुलाई खोप लगाउन सुचना जारी गरेको छ ।
त्यसैगरी वडा नम्वर १,५,६,७,१४,१५ र १६ का ब्यक्तिहरुलाई पाल्डांडामा रहेको माकर स्वास्थ्य चौकीमा गएर खोप लगाउन आवाहन गर्दै नगरका प्रमुख प्रशासकिय अधिकृत मेघनाथ पाध्यले सुचना जारी गर्नु भएको छ ।
सरकारले मंगलबारबाट देशभर कोरोनाविरुद्ध दुई दिने खोप अभियान संचालन गरेका कारण नवलपरासीमा पनि ६२ देखि ६४ वर्ष उमेर समूहका मानिसलाई पहिलो मात्राको खोप लगाउन लागिएको हो ।
त्यसैगरी
बर्दघाट नगरक्षेत्रका सामुदायिक स्तरमा गएर कोभिड–१९ को एन्टीजेन टेष्ट गर्ने कार्यलाई बर्दघाट नगरपालिकाले तिव्रता दिईएको छ । सोही अनुसार आज बर्दघाटको पञ्चनगरमा कोभिड–१९का शंकास्पद तथा मिल्दा जुल्दा लक्षण भेटीएका ३१ जना ब्यीक्तहरुको एन्टीजेन टेष्ट गर्ने कार्य सम्पन्न् भएको पञ्चनगर स्वास्थ्य चौकीका ईन्चार्ज बाबुराम तिमिल्सिनाले बताउनु भएको छ ।
आज गरीएको ३१ जना ब्यीक्तहरुको एन्टीजेन टेष्टमा १५ जनाको कोरोना पोजेटीभ रहेको र १६ जनामा कोरोना नेगेटिभ रहेको पञ्चनगर स्वास्थ्य चौकीका शरद जी।सि।ले जानकारी दिनु भएको छ ।
