कृष्ण ढकाल
बर्दघाट,फागुन–२३
नारायणघाट–बुटवल सडक खण्ड बिस्तार गर्न निमार्णको जिम्मा पाएको चिनियाँ कपन्नी चाईना स्टेट कन्स्ट्रक्सन इन्जिनियरिङ कर्पोरेसन लिमिटेडमा कार्यरत मजदुरहरु आन्दोलनमा उत्रेका छन् ।
आफुहरुको मासिक तलब शुनिश्चत हुन पर्ने,काम गर्दा खानेपानीको ब्यवस्था हुनु पर्ने,सेप्फ्टीकिट साईटमा अनिर्वाय उपलब्ध गराउनु पर्ने ,काम गर्दा कुनै दुर्घटना भए उपचारको ब्यवस्था हुनुपर्ने लगाएतका माग राख्र्दै निर्माण कम्पनीका करिव २ सय मजदुरहरु आन्दोलनमा उत्रेको बताएका छन् ।.
यस अघि पटक–पटक आन्दोलन र वार्ता भएपनि कुनै सुनुवाई नभएका कारण आफुहरु आन्दोलनमा उत्रेको बताएका छन् । आज मजदुरहरुले बर्दघाटको एस मोड सडक क्षेत्रमा गाडी पार्किङ्ग गरेर त्रिवेणी चोक देखि चिसापानी सम्म नारावाजी गर्दै विरोध प्रर्दशन गरेका थिए ।
एसियाली बिकास बैंकको ऋण सहयोगमा १६ अर्ब ९९ करोड ५२ लाख ९६ हजार ८ सय ५१ रूपिँयाको लागतमा नारायणघाट–बुटवल खण्डको सडक बिस्तार आयोजनाको ठेक्का सम्झौता भएको थियो।
कुल १ सय १३ किलोमिटर सडक चार लेनमा विस्तार हुने र शहरी क्षेत्रमा अतिरिक्त सर्भिस लेनसमेत निर्माण हुने गरी निमार्णको काम शुरु भएको हो । दाउन्ने–बुटवल ४८.५ किमि र गैडाकोट–दाउन्ने ६४.४ किमि गरी दुई खण्डमा विभाजित गरेर ठेक्का सम्झौता गरिएको छ । ४२ महिनामा निर्माण कार्य पुरा गर्ने भनिए पनि कोभिट–१९ ले यो काम प्रभावित भएको छ ।